1.JARDUERA: MUGIMENDU SOZIALETAKO PROIEKTUAK 

Hitza Jorratuz taldekideok IKTek mugimendu sozialetan duten eragina aztertzeko asmoarekin, bi proiektu desberdin aukeratu genituen; MediaLab Prado eta Harinera ZGZ, hain zuzen. Hemen ikus dezakezue burututako lana.

-----------

Behin lana eginda, bietariko bat aukeratu eta hausnarketa txiki bat egitea gustatuko litzaidake:

Hausnarketa egiteko nik aukeratutako proiektua Harinera ZGZ da, oso proiektu interesgarri eta ezinbestekoa iruditzen zaidalako. Izan ere, auzo, herri zein hirietan honelako iniziatibak egotea garrantzitsua dela uste dut; bertako biztanleen parte-hartze aktiboarekin, tokiko beharrei begira, kudeatzeko ahalmena izatea posible egiten duelako. Hau guztia, auzo, herri zein hiriarentzat boterea eta erabakiak hartzeko aukera paregabea dela esango nuke nik.

Mota honetako proiektuak martxan egoteak, benetan zu bizi zaren tokia eraldatzea posible denaren itxaropena sustatzen du; bertan dauden benetako beharrak identifikatu, irtenbide desberdinak planteatu eta burutzeko aukera emanez. Eta zu, animatzen zara?

-----------

Proiektuaren informazio gehiago nahi izatekotan, web orrialdea bisitatu.