2.JARDUERA: STOP MOTION

Jendartea aldatu den heinean, bizitzeko eta lan egiteko erak ere aldatu egin direla uka ezina da; IKT-ek egunerokotasunean izugarrizko garrantzia hartu dutelarik. Beraz, argi dago gaur egungo sisteman lan egiteko, IKT-ak ezinbestekoak eta onuragarriak direla.

Eta noski, gu Gizarte Hezkuntza munduan ari garela zentratuz, hau guztia argi izan eta gaitasun digitalen berri izatea komeni zaigu. Baina zertarako? Beste toki batzuetako profesional desberdinekin harremanetan egoteko, proiektu desberdinetan besteekin elkarlanean aritzeko, komunikazioa sustatu eta errazteko, existitzen diren proiektuei buruz berri izateko, esperientziak partekatzeko... eta beste zenbait gauzetarako.

Gaur egun gaitasun digital horiek garatzea eta bermatzea ezinbestekotzat jotzen dela esango nuke nik, baina pertsonekin lan egingo dugula kontutan izanda, argi izan behar dugu beste gaitasun batzuk garatzea ere garrantzitsua dela. Hau da, gaitasun digital horiekin soilik ezin gara geratu.

Hau guztia pixka bat azaltzeko asmotan, Hitza Jorratuz taldekideok, Gaitasun Digitalen inguruko Stop Motion bat egin dugu. Espero dut gustokoa izatea.